შეწყალების კომისიის თავმჯდომარე ზვიად ქორიძე მთავარ პროკურატურაში დაკითხვაზე იმყოფება. ზვიად ქორიძის დაკითხვა მთავარ პროკურატურაში უკვე საათზე მეტია მიმდინარეობს.
დღესვე, ასევე დაიკითხა შეწყალების კომისიის ყოფილი თავმჯდომარე ალეკო ელისაშვილი.
საქმე ეხება, პატიმრების შეწყალების საკითხებს და შესაძლო კორუფციულ გარიგეგებებზე გაკეთებულ განცხადებებს.
მთავარი პროკურატურის ინფორმაციით, ალეკო ელისაშვილის მიერ გაკეთებულ განცხადებაზე საქმე 339-ე პრიმა მუხლის მეორე ნაწილით აღიძრა, რაც ზეგავლენით ვაჭრობას გულისხმობს.
