ზესტაფონის №51 საოლქო კომისიაში არსებული საარჩევნო უბნები 08:00 საათზე გაიხსნა. პირველი ამომრჩევლებიც უბნებზე უკვე მივიდნენ.
ადგილობრივები დღეს მერს ირჩევენ.
ზესტაფონის 54 უბანზე არჩევანი 54 943-მა ამომრჩეველმა უნდა გააკეთოს. ზესტაფონში მერობის 16 კანდიდატია რეგისტრირებული.
მუნიციპალიტეტში რიგგარეშე არჩევნების ჩატარება მას შემდეგ გახდა საჭირო, რაც კახაბერ მახათაძემ მიმდინარე წელს თანამდებობა დატოვა.
