ზემო ფონიჭალაში, აფეთქების ადგილზე ექსპერტები კორპუსის დაზიანებული ნაწილის მდგრადობას ამოწმებენ

თაიმერი timer.ge
ავტ.: თაიმერი timer.ge ნოემბერი 17, 2018 12:03

ზემო ფონიჭალაში, აფეთქების ადგილზე ექსპერტები კორპუსის დაზიანებული ნაწილის მდგრადობას ამოწმებენ

ზემო ფონიჭალაში, აფეთქების ადგილზე ექსპერტები და ინჟინრები მუშაობენ, რომლებიც კორპუსის დაზიანებული ნაწილის მდგრადობას ამოწმებენ.

ექსპერტების დასკვნის შემდეგ, ქალაქ თბილისის მერიის მუნიციპალიტეტის დაკვეთით, კერძო კომპანია სამშენებლო სამუშაოებს დაიწყებს.

დროებით საცხოვრებელში ამ დრომდე 28 ოჯახი რჩება. მათ ტანსაცმელი და პირველადი მოხმარების ნივთები საკუთარი ბინებიდან მაშველების დახმარებით გუშინ გამოიტანეს.

თბილისში, ზემო ფონიჭალაში აფეთქება საცხოვრებელ კორპუსში 15 ნოემბერს დილით მოხდა. ამ დროისთვის არსებული ინფორმაციით, აფეთქება ბუნებრივი აირის დაგროვებამ გამოიწვია, რასაც საცხოვრებელი კორპუსის მე-3 და მე-4 სართულებზე ნგრევა მოჰყვა. ამასთან, დამწვრობის ცენტრის რეანიმაციულ განყოფილებაში აფეთქების შედეგად დაშავებული სამი პირია მოთავსებული, მათი ჯანმრთელობის მდგომარეობა სტაბილურია. მაშველები აფეთქების ადგილზე დედა-შვილს დაახლოებით შვიდი საათის განმავლობაში ეძებდნენ. ახალგაზრდა ქალი და მცირეწლოვანი საცხოვრებელი სახლის ნანგრევებში დაღუპულები იპოვეს.

თაიმერი timer.ge
ავტ.: თაიმერი timer.ge ნოემბერი 17, 2018 12:03

Google სტატისტიკა


2,535
ვიზიტორი
დღეში
Powered By Google Analytics