უკრაინის პრეზიდენტის, ვოლოდიმირ ზელენსკის განცხადებით, უკრაინის წინააღმდეგ ღამით განხორციელებული თავდასხმის დროს რუსეთმა 60-ზე მეტი “შაჰიდის” ტიპის დრონი და 90-მდე სხვადასხვა ტიპის რაკეტა გამოიყენა.
მასიური დაბომბვის სამიზნედ მან ელექტროსადგურები და ელექტროგადამცემი ხაზები დაასახელა “ჰიდროელექტრო კაშხალი, ჩვეულებრივი საცხოვრებელი კორპუსები, თუნდაც ტროლეიბუსი”.
ზელენსკიმ ჩამოთვალა რეგიონები, სადაც ელექტროენერგიის მიწოდების აღსადგენად სამუშაოები მიმდინარეობს – ხარკოვი და ხარკოვის რეგიონი, ზაპოროჟიე, სუმი, პოლტავა, დნეპროპეტროვსკი, ოდესა, ხმელნიცკი, ვინიცა და ივანო-ფრანკოვსკის რეგიონები.
უკრაინის პრეზიდენტმა კიდევ ერთხელ გააჟღერა მოწოდება, რომ არ გადადონ უკრაინისთვის საჭირო სამხედრო დახმარების მიწოდება:
“პატრიოტის სისტემებმა უნდა დაიცვან ხარკოვი და ზაპოროჟიე; საჰაერო თავდაცვა საჭიროა ხალხის, ინფრასტრუქტურის, სახლებისა და კაშხლების დასაცავად. პარტნიორებმა ზუსტად იციან რა არის საჭირო. მათ ნამდვილად შეუძლიათ თქვენი მხარდაჭერა. ეს გადაწყვეტილებები საჭიროა. სიცოცხლე დაცული უნდა იყოს მოსკოვის ამ ფანატიკოსებისგან”- განაცხადა ზელენსკიმ.
