„ზებრა გადასასვლელებზე“ ღამის განათებები დამონტაჟდება

ქეთი ფერაძე
ავტ.: ქეთი ფერაძე თებერვალი 28, 2018 10:27

„ზებრა გადასასვლელებზე“ ღამის განათებები დამონტაჟდება

დედაქალაქის მერის კახა კალაძის განცხადებით, „ზებრა გადასასვლელებზე“ ღამის განათებები დამონტაჟდება.

​როგორც კახა კალაძემ დედაქალაქის მთავრობის დღევანდელ სხდომაზე განაცხადა, თბილისის მერიამ დაიწყო სატრანსპორტო პოლიტიკის განხორციელება, რომელიც ორიენტირებულია საზოგადოებრივი ტრანსპორტის განვითარებაზე და ქვეითთა უსაფრთხო გადაადგილებაზე.

„საზოგადოებრივი ტრანსპორტის თვალსაზრისით თქვენ იცით, რომ წელს ახალი ევროპული ტიპის 100 ერთეულ ავტობუსს შემოვიყვანთ, ვიცით, რომ ეს საკმარისი არ არის, თუმცა მომავალ წელს სრულად მოხდება ჩანაცვლება ახალი ავტობუსებით. გარდა ამისა, ქვეითების უფლებები უნდა იყოს დაცული”, – აღნიშნა კახა კალაძემ.

მისივე თქმით, თბილისში არის სხვადასხვა ადგილები, სადაც ფეხით გადასვლა ერთი მხრიდან მეორე მხარეს შეუძლებელი ხდება, რადგან არანაირი ინფრასტრუქტურა არ არსებობს.

„დღეის მდგომარეობით ჩვენ გამოვლენილი გვაქვს 100-ზე მეტი ლოკაცია, სადაც უნდა მოეწყოს ინფრასტრუქტურა, დახაზვითი სამუშაოები, ასევე შუქნიშნების განთავსება. აქვე გამგებლებს უნდა დაგავალო, თქვენს რაიონებში იდენტიფიცირება გაუკეთოთ ასეთ ადგილებს და მოგვაწოდოთ კონკრეტული ლოკაციები, რომ ჩვენი მხრიდან განხორციელდეს შესაბამისი სამუშაოები. ასევე სავალდებულოა, რომ „გადასასვლელ ზებრებზე“ დავაყენოთ ღამის განათებები, ლედ განათებები, როგორც ეს ნორმალურ ქვეყნებშია”, – განაცხადა კახა კალაძემ.

ქეთი ფერაძე
ავტ.: ქეთი ფერაძე თებერვალი 28, 2018 10:27

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,634
ვიზიტორი
დღეში
Powered By Google Analytics