შინაგან საქმეთა მინისტრის ინფორმაციით, 46 წლის დავით გრიგორიანს, რომელიც “გავრილოვის სისხლან” ღამეს მძიმედ დაშავდა თავში არა ტყვიით, არამედ ბლაგვი საგნით აქვს დაზიანება მიღებული.
ცნობისთვის, გრიგორიანი რამდენიმე დღის მანძილზე კომაში იმყოფებოდა.
გახარიას განცხადებით, “ზოგიერთს ძალიან სურდა, რომ უფრო მძიმე შედეგით დასრულებულიყო ყველაფერი, თუმცა, ექიმების წყალობით, ეს ასე არ მოხდა”.
“ვინ გაწვდით ინფორმაციას, მას ტყვია საერთოდ არ აქვს მოხვედრილი. მას არ აქვს დაზიანება ნასროლი ტყვიით. დავით გრიგორიანს ტყვიით მიყენებული დაზიანება არ აქვს. როცა ვიღაც საუბრობს დათვის და კიდევ რაღაც ტყვიებზე, ეს არის სიცრუე. ეს არის ჩვეულებრივი ტყუილი”, – თქვა გიორგი გახარიამ.
მისი თქმით, “გრიგორიანმა როდის, სად და რა პირობებში მიიღო ეს დაზიანება, არის გამოძიების საგანი”.
