საგამოძიებო კომისიის სხდომის დაწყებამდე, სადაც დღეს შს მინისტრს, იუსტიციის მინისტრს და ყოფილ მთავარ პროკურორს გამოკითხავენ, მოკლული მოზარდის მამა, ზაზა სარალიძე წულუკიანს, გახარიას და შოთაძე მიმართავს კითხვით – ვინ მოკლა მისი შვილი. სარალიძე ფიქრობს, რომ მათ ბევრი დეტალი იციან, რაც ამ დრომდე არ გასაჯაროებულა:
“ძირითადი და მთავარი კითხვა, არა მარტო მაგ სამ პიროვნებასთან, არამედ ნებისმიერ ძალოვანი უწყების წარმომადგენელთან ეს არის – ვინ არიან ჩემი შვილის მკვლელები. საზოგადოება თვითონ ხედავს ვინ რა დააშავა პროკურატურიდან, შს სამინისტროდან თუ თუნდაც ექსპერტებიდან. ფაქტობრივად ნათელია ვინ რა წვლილი შეიტანა ამ საქმის გაფუჭებაში,“-აცხადებს ზაზა სარალიძე
