თბილისის სახელმწიფო უნივერსიტეტში, სადაც სტუდენტების საპროტესტო აქცია მიმდინარეობს, საპატრულო პოლიციის მობილიზება ხდება.
უნივერსიტეტის ლექტორებმა საპატრულო პოლიცის თანამშრომლებს უნივერსიტეტის დატოვება მოსთხოვეს, თუმცა სტუდენტები შენობიდან არ გადიან.
როგორც საპატრულო პოლიციის თანამშრომლებმა განმარტეს, ისინი უნივერსიტეტში დაცვის სამსახურმა გამოიძახა და ადგილის დატოვებას ჯერჯერობით არ გეგმავენ. აქცია კვლავ ხმაურის ფონზე მიმდინარეობს.
უნივერსიტეტის სტუდენტების ნაწილი კანცლერის პოსტზე წარდგენილი გიორგი გაფრინდაშვილის კანდიდატურის მოხსნას ითხოვს.