უკრაინის განათლების სამინისტრომ სასკოლო პროგრამაში შესატანი ცვლილებების მეორე ვერსია გამოაქვეყნა მეხუთე-მეათე კლასებისათვის. სიიდან ამოღებულია ფიოდორ დოსტოევსკი და ლევ ტოლსტოი – ინფორმაციას უკრაინული “ვესტი” ავრცელებს.
გამოცემა აღნიშნავს, რომ მსოფლიო ლიტერატურის პროგრამაში ჩასმულია თანამედროვე მწერლები, მათ შორის არიან ჰარპერ ლი “ნუ მოკლავ ჯაფარას”, რეი ბრედბერის “451 ფარენგეიტი”, როალდ დალის “ჩარლი და შოკოლადის ქარხანა”. ამასთანავე, ისეთი რუსი მწერლები, როგორიც არიან ანტონ ჩეხოვი, მიხაილ ბულგაკოვი (კიევშია დაბადებული) და ნიკოლოზ გოგოლი (რომელიც წარმოშობით პოლტავას გუბერნიიდან არის), პროგრამაში დატოვებულია.