უკრაინა სუვერენული სახელმწიფოა და თავად უნდა გადაწყვიტოს, ჰქონდა თუ არა ადგილი სამართლებრივ დარღვევასა და გადაცდომას,- ასეთი კომენტარი გააკეთა საქართველოში ამერიკის შეერთებული შტატების ელჩმა იან კელიმ მიხეილ სააკაშვილთან დაკავშირებით.
„ჩვენ გვაქვს ძალიან ძლიერი პარტნიორობა როგორც საქართველოსთან, ისე უკრაინასთან. უკრაინაში მომხდარ ინციდენტზე ვიტყვი ერთს – მნიშვნელოვანია, რომ პროცესი იყოს დეტალური და ჯეროვანი, რადგან ამ საკითხში ჩართულია სამართლებრივი კუთხე.
უკრაინა სუვერენული სახელმწიფოა და თავად უნდა გადაწყვიტოს, ჰქონდა თუ არა ადგილი სამართლებრივ დარღვევასა და გადაცდომას“,- განაცხადა იან კელიმ.
