უგულავა: ოდისევსის დაბრუნებას ჟანრის კანონი მოითხოვს, ათენამ ოდისევსი დააბერა, რომ ვერ ეცნოთ, კობახიძის ენით რომ ვთქვათ, დიფ ფეიკი გააკეთა

ფოთში ოპოზიციის ნაწილის მერობის კანდიდატი გიგი უგულავა სოციალურ ქსელში ეხმაურება საქართველოს ყოფილი პრეზიდენტის, მიხეილ სააკაშვილის საქართველოში ჩამოსვლასთან დაკავშირებით გავრცელებულ ინფორმაციას.

„ოდისევსის დაბრუნებას ჟანრის კანონი მოითხოვს. ათენამ ოდისევსი დააბერა, რომ ვერ ეცნოთ – ანუ კობახიძის ენით რომ ვთქვათ, deep fake გააკეთა. თავისთავად ცხადია, რომ ეს საკითხი რელიგიური რწმენის მსგავსია. ვისაც სჯერა სჯერა, ვისაც არა – არა. ასეთ დროს ფაქტს მნიშვნელობა აღარ აქვს, რადგან თავად ეს რწმენა ქმნის და გავლენას ახდენს ფაქტების მომდევნო თანმიმდევრობაზე.

უფრო მარტივად. ოცნება ვირთხის დღეშია. თუ უარყოფენ მიშას დაბრუნების ფაქტს, იღლიცინებენ მათი ამომრჩეველიც იგივეს იზავს, შესაბამისად არ დაირაზმება. თუ იტყვიან რომ მართალია, მაშინ უნდა აღიარონ რომ სრული სირები არიან და მათი ამომრჩეველი გახარიასკენ გადაიხრება, პრინციპით შენ თუ მიშასგან ვეღარ მიცავ, აგერ გახარია დამიცავს. ორივე შემთხვევაში ვაი და ვუია. ამასობაში ოპოზიციური ამომრჩეველი აღტკინებული და დარაზმულია. მე ეს საკუთარი თვალით ვნახე ამ წამს კარდაკარზე ფოთში ნაბადას უბანში.
ასე რომ, ყველა ვარიანტში ოცნებას მიშამ შეუსრულა. გაუკეთა ის, რასაც აქამდე ივანიშვილი თავად უკეთებდა ხალხს – ტრუკებს. ტრუკაჩი ტრუკებით უნდა დაამარცხო.

ხვალ არჩევნებია, უკვე საბოლოოდ რეფერენდუმი. ხვალ ოლიგარქია მარცხდება და ქვეყანა ახალ ცხოვრებას დაიწყებს. ახდა ნამდვილი ქართული ოცნება-ბიძინა დამარცხდა არჩევნებამდე. ხვალ ხალხი ამას გააფორმებს
მე კი ფოთელებთან ერთად ფოთს მივხედავ. ჩემი გეგმები მხოლოდ ფოთს უკავშირდება“, – წერს უგულავა.

წინა სტატიაშიმდინარაძის განცხადებით, მიხეილ სააკაშვილი უკრაინის კურორტ ტრუსკავეცში, სასტუმრო „რიქსოსში“ იმყოფება
შემდეგი სტატიაცესკო: საარჩევნო ადმინისტრაციის თანამშრომლებზე ზეწოლა გრძელდება