ევროკავშირმა საგანგებო სამიტი უნდა ჩაატაროს მიგრაციის საკითხებზე, რომელსაც არაბული სახელმწიფოებიც უნდა დაესწრონ – 19 სექტემბერს ევროპული საბჭოს თავმჯდომარემ, დონალდ ტუსკმა ავსტრიის ზალცბურგში ევროკავშირის სამიტის დაწყებამდე განაცხადა.
მისი თქმით, მსგავსი შეხვედრის ორგანიზება, შესაძლებელია, 2019 წლის თებერვალში, ეგვიპტეში. დონალდ ტუსკი შესაბამისი წინადადებით ზალცბურგში სიტყვით გამოსვლას აპირებს – “დოიჩე ველე” წერს. გარდა ამისა, ტუსკმა ევროკავშირის ქვეყნებს საკითხების კონსტრუქციული გადაწყვეტისკენ და ურთიერთბრალდებების შეწყვეტისკენ მოუწოდა.
ზალცბურგში ევროკავშირის სამიტი 19-20 სექტემბერს გაიმართება.