იუსტიციის მინისტრი თეა წულუკიანი მიიჩნევს, რომ “რუსთავი 2”-ის საქმე სტრასბურგის სასამართლოში უნდა განიხილონ.
როგორც თეა წულუკიანმა “იმედის” ეთერში გადაცემა “პოლიტიკაში” განაცხადა, მოსამართლე ურთმელიძემ ჩაატარა ტესტი და საინტერესოა როგორც შეფასდება ის სააპელაციო სასამართლოში, შემდეგ კი, სტრასბურგში.
“უნდა წავიდეს ეს საქმე სტრასბურგში. ეს ძალიან კარგი იქნება. ურთმელიძემ ჩაატარა ტესტი, რა არის უფრო საზოგადოებრივი სიკეთე. მან სასწორზე შედო სიკეთეები. მან ეს ტესტი ჩაატარა, ახლა საინტერესოა როგორ შეფასდება ეს სააპელაციო სასამართლოში და შემდეგ რას იტყვის სტრასბურგის სასამართლო. როდესაც “რუსთავი 2″-ის საქმე მშვიდობიანად დამთავრდება არ არის გამორიცხული ეს იყოს ახალი სიტყვა ქართულ მართლმსაჯულებაში”, – განაცხადა წულუკიანმა.