წალენჯიხის მუნიციპალიტეტის მერია, პანდემიასთან ბრძოლის პირობებში, სხვადასხვა სახის სოციალურ აქტივობებს ახორციელებს. მუნიციპალიტეტის მასშტაბით, ქალაქად და სოფლად, უკიდურეს გაჭირვებაში მყოფ 550-მდე ბენეფიციარს – ხანდაზმულ მარტოხელებს, სასურსათო ვაუჩერი ურიგდება. ამავდროულად წალენჯიხის მუნიციპალიტეტში ქალაქ ჯვარისა და ქალაქ წალენჯიხის უფასო სასადილოების 70 წელს გადაცილებულ ბენეფიციარებს კი დღიურ ულუფას მოხალისეები საცხოვრებელ სახლებში აწვდიან.