აშშ-ს პრეზიდენტმა დონალდ ტრამპმა განაცხადა, რომ ხელი მოაწერა დოკუმენტს, რომელიც მიგრანტებს, რომელთაც დოკუმენტები არა აქვთ და აშშ-ში შევიდნენ მექსიკიდან, თავშესაფრის მიცემას უზღუდავს. გამკაცრებული პროცედურა დაკავშირებულია მრავალათასიან ქარავანთან, რომელიც აშშ-სკენ მიემართება. ხელმოწერილი განკარგულების თანახმად, პირებს, რომლებიც არაკანონიერად გადაკვეთენ მექსიკა-აშშ-ს საზღვარს, უფლება არ ექნებათ ამერიკაში თავშესაფარი ითხოვონ – “ბიბისი” წერს.
ახალი წესები არ შეეხება იმ მიგრანტ ბავშვებს, რომლებიც ქვეყნის ტერიტორიაზე მშობლების გარეშე მოხვდებიან.
ამერიკის სამოქალაქო თავისუფლებების დაცვის კავშირმა ტრამპის განკარგულებას “არაკანონიერი” უწოდა და აღნიშნა, რომ აშშ-ს კონსტიტუციით ქვეყანაში თავშესაფრის თხოვნა შეუძლია ყველა პირს იმის მიუხედავად, საიდან მოხვდნენ ქვეყნის ტერიტორიაზე.