თურქეთის ტელერადიოკომპანიამ თავის ყველა არხზე 208 სიმღერის გაშვება აკრძალა – Middle East Eye წერს. როგორც გამოცემა აღნიშნავს, სიმღერების “შავი სია” 2016 წლიდან არსებობს და ახლა მასში 142 თურქული და 66 ქურთული სიმღერაა შესული, მათ შორის ქვეყანაში ძალიან ცნობილი პოპ მუსიკოსების. გადაწყვეტილების განმარტებაში ნათქვამია, რომ ეს სიმღერები ტერორიზმის და ამორალურობის პროპაგანდას ეწევიან, მათ შორის, ოჯახურ სიწმინდეებს სცხებენ ჩირქს და დანაშაულის გაზრდას უწყობენ ხელს.