თურქეთში გოგონათა საერთო საცხოვრებელში გაჩენილი ხანძრის შედეგად 12 ადამიანი გარდაიცვალა – ამის შესახებ ინფორმაციას „როიტერი“ ავრცელებს. როგორც სააგენტო იუწყება, გარდაცვლილთა შორის 11 მოზარდი გოგონაა. შემთხვევა ქვეყნის სამხრეთით მდებარე ადანას პროვინციაში მოხდა.
Hurriyetdaily-ის ინფორმაციით, ხანძრის შედეგად, დაშავდა 22 ადამიანი, რომლებიც საავადმყოფოებში გადაიყვანეს.
როგორც ადგილობრივი მთავრობის წარმომადგენელმა, ომერ ჩელიკმა, CNN-თან ინტერვიუში განაცხადა, ხანძრის მიზეზი, სავარაუდოდ, ელექტროსადენების დაზიანება გახდა.
„შენობაში 12 ცხედარი იპოვეს მაშველებმა, 22 დაჭრილი კი საავადმყოფოებში გადაიყვანეს“ – განაცხადა ადანას პროვინციის გუბერნატორმა მაჰმუტ დემირატისმა. მისი განმარტებით, საერთო საცხოვრებელში 34 სტუდენტი ცხოვრობდა.
როგორც ოპოზიციონერმა პარლამენტარმა ელიფ დოღან თურქმენმა CNN-თან ინტერვიუში აღნიშნა, გოგონები ღარიბი ოჯახებიდან იყვნენ, რომლებიც ისეთ ქალაქებში ცხოვრობენ, სადაც სკოლები არ არის.
https://youtu.be/W3Gc0qDpIvc