თურქეთის სპეცსამსახურებმა ელიაზიგის პროვინციაში ტერორისტული დაჯგუფება “ისლამური სახელმწიფოს” ერთ-ერთი მეთაური დააკავეს, გარდა ამისა, დაკავებულია იმავე დაჯგუფების ჯალათი – თურქული მედია ავრცელებს.
ოპერატიულმა სამსახურმა 6 მისამართი შეამოწმა, სადაც, მათი ინფორმაციით, ისლამისტების აქტიური მომხრეები ცხოვრობდნენ. რეიდის დროს მათ სულ 7 ადამიანი დააკავეს, მათ შორის “ისლამური სახელმწიფოს” რეგიონალური დაჯგუფების მეთაური, ჯალათი, რომელიც ცნობილია ინიციალებით “ფ.შ” და სხვები. სპეცსამსახურებმა ასევე ამოიღეს ექსტრემისტული დოკუმენტების დიდი ოდენობა.