პრეზიდენტის ადმინისტრაციის გადაწყვეტილება, რომლის მიხედვითაც პრეზიდენტის წარმომადგენლები კომისიის მუშაობაში არ ჩაერთვებიან კიდევ ერთხელ გააკრიტიკეს საპარლამენტო უმრავლესობაში.
„მე ვფიქრობ, რომ სწორედ მათთვის იქნება დამაზიანებელი თუ ამ გადაწყვეტილებას არ შეცვლიან. უბრალოდ კარგი იქნებოდა ქვეყნისთვის და არა ჩვენთვის. მათთვის პირადად და პრეზიდენტის ადმინისტრაციისთვის მე მგონი ძალიან დამაზიანებელი იქნება თუ კი ისევ ამ ტალღაზე დარჩებიან და არ მიიღებენ გადაწყვეტილებას, რომ ჩაერთონ საკონსტიტუციო კომისიის მუშაობაში,“-განაცხადა თამარ ჩუგოშვილმა.
