თუ გაგაჩნია ცოტა თავმოყვარეობაც უარყოფით მხარეებზე მაშინ უნდა ილაპარაკო, როცა ხარ პოსტზე – არველაზე ქობულიაზე

region
: region მაისი 6, 2019 16:17

თუ გაგაჩნია ცოტა თავმოყვარეობაც უარყოფით მხარეებზე მაშინ უნდა ილაპარაკო, როცა ხარ პოსტზე – არველაზე ქობულიაზე

გიორგი ქობულიას სკანდალურ განცხადებებს მმართველი გუნდის წევრების ნაწილი მკაცრად აკრიტიკებს. „ქართულ ოცნებაში“ ამბობენ, რომ ეკონომიკის ყოფილი მინისტრი განაწყენებულია და მისი სატელევიზიო ინტერვიუებიც ამას ცხადყოფს.

საპარლამენტო უმრავლესობის ნაწილი ვერც ქობულიას პარლამენტში მისვლის საჭიროებას ხედავს.

პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარის მოადგილე, რევაზ არველაძე ამბობს, რომ ყოფილი მინისტრი ნაწყენია. არველაძე ქობულიას პროფესიონალიზმსაც კითხვის ნიშნის ქვეშ აყენებს.

„თუ ხარ, გინდა შენი საქმის სპეციალისტი და ცოტა გაგაჩნია თავმოყვარეობაც, მაშინ უნდა ილაპარაკო, როცა ხარ პოსტზე უარყოფით მხარეებზე. ახლა პირდაპირ ჩანს, რომ ეს არის განაწყენებული. მე არ მიმაჩნია, რომ მისი აქ მოსვლა რაიმე დადებითს მისცემს ქვეყანას, უარყოფითს შეიძლება,“ – განაცხადა არველაძემ.

არველაძის პოზიციას პარლამენტის ფრაქცია ”ქართული ოცნების” მდივანი, ნინო წილოსანი იზიარებს. მმართველი გუნდის დეპუტატი ამბობს, რომ მისთვის გაუგებარია ქობულიას განცხადება, კომიტეტზე წარდგეს. წილოსანის თქმით, უმჯობესი იქნებოდა თუ ყოფილი მინისტრი ჯერ თანაგუნდელებთან გაივლიდა კონსულტაციას.

region
: region მაისი 6, 2019 16:17

გამოკითხვა

ზუგდიდის მერობის არჩევნებში რომელი კანდიდატი გაიმარჯვებს?

  • სანდრა რულოვსი (66%, 1 551 ხმა)
  • გიორგი (გეგა) შენგელია (26%, 615 ხმა)
  • ზვიად სიჭინავა (4%, 103 ხმა)
  • თენგო ჯგუშია (3%, 81 ხმა)

ხმები სულ: 2 350

Google სტატისტიკა


4,438
ვიზიტორი
დღეში
Powered By Google Analytics