ივანე ჯავახიშვილის სახელობის თბილისის სახელმწიფო უნივერსიტეტში აკადემიური საბჭოს პირველი ეტაპის არჩევნები მშვიდ ვითარებაში ჩატარდა.
როგორც საარჩევნო უბნების დახურვის შემდეგ თსუ-ს საარჩევნო კომოსიის თავმჯდომარე ირაკლი გიორგაძემ განაცხადა, 7 საარჩევო უბანზე 791 ამომრჩევლიდან ხმის მისაცემად 666 ამომრჩეველი გამოცხადდა, რაც 84,1 % – ს შეადგენს.
„თამამად შეგვიძლია ვთქვათ, რომ არჩევნები შედგა. ჯერ-ჯერობით უცნობია, არჩევნების შედეგები. რაც შეეხება დარღვევებს, ამაზე ინფორმაცია არ შემოსულა, არჩევმებმა მშვიდ გარემოში ჩაიარა. პროცესი გამჭვირვალედ მიმდონარეობდა. ყველა ამომრჩეველს ჰქონდა უფლება თავისუფლად მიეღო არჩევნებში მონაწილეობა და საკუთარი არჩევანი დაფიქსირება“, – განაცხადა ირაკლი გიორგაძემ.
არჩევნებში მონაწილეობა 33 კანდიდატმა მიიღო,ხმის მიცემის უფლება კი 726 აკადემიურ პერსონალსა და 65 სტუდენტს ჰქონდა.