თინა ხიდაშელი : კარგია, რომ თავდაცვის ახალმა მინისტრმა ჩემი ბრძანება არ გააუქმა

news
ავტ.: news აგვისტო 24, 2016 13:37

თინა ხიდაშელი : კარგია, რომ თავდაცვის ახალმა მინისტრმა ჩემი ბრძანება არ გააუქმა

ძალიან კარგია, რომ თავდაცვის სამინისტრომ არ შეცვალა ბრძანება თავდაცვაში გაწვევის შესახებ, ჩემი აზრით ეს არის ერთ-ერთი ძალიან მნიშვნელოვანი ნაბიჯი რომელიც მინისტრობის ბოლოს გადავდგი, – ამის შესახებ თავდაცვის ყოფილმა მინისტრმა, „რესპუბლიკური პარტიის“ ერთ-ერთმა ლიდერმა თინა ხიდაშელმა დღეს გამართულ პრესკონფერენციაზე განაცხადა.

როგორც თინა ხიდაშელმა განაცხადა, პრობლემა შეიქმნა ბევრ სოფელსა და რეგიონში, რადგან პირველი აგვისტოდან გაწვევა დაიწყო.

„გაწვევა დაიწყო იმ უწყებებში, რომლებშიც სამწუხაროდ ჯერ კიდევ ამ ძალიან მავნე პრაქტიკის მიმდევრები არიან. მოსახლეობის სრულიად სამართლიან და აბსოლუტურად ლეგიტიმურ აღშფოთებაზე, როდესაც ისინი ამბობენ, რომ ჩვენ ვიცით – გაწვევა გაუქმდა და ხშირად მათ ეუბნებიან, რომ თინა ხიდაშელმა ტყუილი თქვა, არავითარი გაწვევა არსად არ გაუქმებულა და ყველაფერი ჩვეულებრივად არის”, – განაცხადა თინა ხიდაშელმა.

მისივე თქმით, გაწვევა გაუქმებულია, თუმცა სამწუხაროდ, მხოლოდ თავდაცვის სამინისტროში.

„ამ მთავრობაში მხოლოდ ერთ მინისტრს აღმოაჩნდა გონიერება იმისა, რომ ამ ძალიან მავნე პრაქტიკაზე ეთქვა უარი. ეს არის ოცდამეერთე საუკუნეში ადამიანების მონური შრომის გამოყენება. „ქართული ოცნება“, აღმოჩნდა, რომ ამ მავნე, აბსოლუტურად უსარგებლო, არაფრის მომცემი პრაქტიკის მიმდევარია. ისინი ქმედითად დაუპირისპირდნენ ჩემს გადაწყვეტილებას. არავინ არ დარჩა, ვინც თითო სიტყვა არ გამოიმეტა ჩემს საწინააღმდეგოდ და ბუნებრივია, რომ არც შინაგან საქმეთა სამინისტრო და არც სასჯელაღსრულების დაწესებულებები არ გეგმავენ გაწვევის გაუქმებას. ჩვენ ზუსტად ამიტომ უნდა ვიყოთ პარლამენტში, რომ ასეთი ტიპის მავნე კანონები ერთხელ და სამუდამოდ დავასრულოთ საქართველოში”, – განაცხადა ხიდაშელმა.

news
ავტ.: news აგვისტო 24, 2016 13:37