დიდი ბრიტანეთის პარლამენტის თემთა პალატამ პრემიერ-მინისტრის ბორის ჯონსონის უნდობლობას მხარი არ დაუჭირა. ამის შესახებ theguardian.com იუწყება.
შესაბამისად ჯონსონი თავის უფლებამოსილებას ახალი პრემიერ-მინისტრის დამტკიცებამდე შეასრულებს.
ჯონსონმა თანამდებობა მას შემდეგ დატოვა, რაც მისი მთავრობა 50-მა წევრმა დატოვა. ის კონსერვატიული პარტიის ლიდერის თანამდებობიდანაც გადადგა, ხოლო პარტიის ახალი ლიდერის არჩევა სექტემბერში შედგება. ეს პიროვნება დიდი ბრიტანეთის პრემიერ-მინისტრიც გახდება.
პრემიერ-მინისტრის თანამდებობის დაკავების ყველაზე მეტი შანსი ფინანსთა ყოფილ მინისტრს რიში სუნაკს, საერთაშორისო ვაჭრობის მინისტრის ყოფილ მოადგილეს პენი მორდონტს და საგარეო საქმეთა ყოფილ მინისტრს ლიზ ტრასს აქვთ.
