გვიან ღამით თელავში სამი ახალგაზრდა დაჭრეს. შემთხვევა შპს “ცხოველური ნარჩენების გადამამუშავებელი კომპანიის” ოფისში მოხდა.
არსებული ინფორმაციით, დაპირისპირებაში მონაწილე ერთ-ერთმა პირმა ცეცხლსასროლი იარაღიდან რამდენჯერმე გაისროლა. მომხდარს კი წინ სიტყვიერი და ფიზიკური დაპირისპირება უძღოდა.
დაჭრილებს ცეცხლნასროლი ჭრილობები ფეხის არეში აქვთ მიყენებული.
დაშავებულთაგან ორ ახალგაზრდას ქირურგიული ოპერაცია წუხელვე ჩაუტარდა.
ერთ-ერთი დაჭრილი თელავის ღვთაების დედათა მონასტრის მღვდელმსახურის, მამა გენადი გოგილაშვილის შვილია. მისი ვარაუდით, სისხლიანი გარჩევა წარსულში მომხდარ დაპირისპირებას უკავშირდება.
შსს-მ გამოძიება ჯანმრთელობის განზრახ მძიმე დაზიანების მუხლით დაიწყო.
