დეპუტატმა თედო ჯაფარიძემ პრემიერისა და პრეზიდენტის შეხვედრის შემდეგ კომენტარი გააკეთა. მისი თქმით, რამდენიმე საკითხი განიხილეს, ერთ-ერთი საკითხი კოალიციაში მიმდინარე ვითარებაა.
„განვიხილეთ, რა თქმა უნდა, ძალიან მწვავე და ჩვენთვის საინტერესო თემები, ეს არის დაკავშირებული ვარშავის მოახლოებულ სამიტთან, ვიზალიბერალიზაციასთან და განვიხილეთ რამდენიმე საკითხი, რომელიც დაკავშირებულია შიდა პროცესებთან, კოალიციაში არსებულ ახალ გადაადგილებებთან, ასევე რეგიონში არსებული ვითარებაც განვიხილეთ“. – აღნიშნა თედო ჯაფარიძემ.