სოციალურ ქსელებში გავრცელდა კადრები, რომ თითქოს, MAN-ის ახალი ავტობუსი ავარიაში მოყვა. აღნიშნულ ინფორმაციაზე „თბილისი სატრანსპორტო კომპანია“ განცხადებას ავრცელებს.
„თბილისის სატრანსპორტო კომპანია“ გაცნობებთ, რომ ინტერნეტსივრცეში გავრცელებული ინფორმაცია MAN-ის ავტობუსის ავარიაში მოყოლასთან დაკავშირებით სიმართლეს არ შეესაბამება.
MAN-ის ათი ახალი ავტობუსი, ამ მომენტისთვის, ავტოპარკში მდებარეობს. ახალი ავტობუსების N 61 ხაზზე გაშვება 6 ოქტომბრიდან იგეგმება.
შეგახსენებთ, რომ თბილისელებს და დედაქალაქის სტუმრებს სულ მალე 10 ახალი, ევროსტანდარტების შესაბამისი, ადაპტირებული და ეკოლოგიურად სუფთა, CNG საწვავზე მომუშავე ავტობუსი მოემსახურება“ – ნათქვამია „თბილისის სატრანსპორტო კომპანიის“ განცხადებაში.
