თურქეთში საქართველოს მოქალაქე, 56 წლის ქალბატონი გარდაიცვალა. გარდაცვალების მიზეზად ინფარქტი სახელდება.
საქართველოს მოქალაქე ქალაქ რიზეში სამუშაოდ იმყოფებოდა. გავრცელებული ინფორმაციით, იგი თბილისიდან თურქეთში, სეზონური დასაქმების მიზნით, ჩაის საკრეფად ჩავიდა. სამი დღის განმავლობაში მას რიზეს ერთ-ერთ კლინიკაში მკურნალობდნენ. ცხედარი ტრაპიზონში საქართველოს გენერალური საკონსულოს დახმარებით საქართველოში დღეს გადმოასვენეს.