ის რაც დღეს ხდება საქართველოში, ეს არის ჩვენი ხელისუფლების სირცხვილი

თაიმერი timer.ge
ავტ.: თაიმერი timer.ge ივნისი 19, 2019 19:01

ის რაც დღეს ხდება საქართველოში, ეს არის ჩვენი ხელისუფლების სირცხვილი

„ის რაც დღეს ხდება საქართველოში, ეს არის ჩვენი ხელისუფლების სირცხვილი. ჩვენ რომ არ გვყავდეს უთავმოყვარეო ხელისუფლება, დღეს გავრილოვი ამ ფორუმის საპატიო სტუმარი არ იქნებოდა. ეს არის ის პიროვნება, ვინც აღიარებს აფხაზეთის და სამაჩაბლოს დამოუკიდებლობას და საქართველოს მოსახლეობას იმავეს ურჩევს, რომ შეეგუოს ამ რეალობას. ეს ადამიანი არა თუ საპატიო სტუმარი უნდა იყოს, ეს ადამიანი საქართველოს მტრების სიაში პირველ ათეულში უნდა იყოს“, – აცხადებს “ნაციონალური მოძრაობის” წევრი ზაალ უდუმაშვილი.

ხელისუფლების ოპონენტების განცხადებით, ხელისუფლება ქვეყანასა და მის ტერიტორიულ მთლიანობაზე არ ზრუნავს, წინააღმდეგ შემთხვევაში ოკუპანტი ქვეყნის დელეგაციის წევრებს საპატიო სტუმრის სტატუსით არ მიიღებდა.

მართლმადიდებელი ქვეყნების საპარლამენტო 4 დღიანი კონფერენცია დღეს გაიხსნება და ასამბლეის სხდომები პრეზიდენტის სასახლეში გაიმართება.

პუტინის თანამოაზრე და ოკუპაციის თანამონაწილე რუს დეპუტატებს, საქართველოში განსაკუთრებული პატივით ხვდებიან. სერგეი გავრილოვს, რომელიც აფხაზეთში ქართველების წინააღმდეგ იბრძოდა, “ქართული ოცნების” ხელისუფლებამ სახელმწიფო დაცვა გამოუყო და უსაფრთხოების გაძლიერებული ზომების გამოყენებით, აეროპორტიდან სასტუმროში მიაცილა.

სასტუმროშიც რუსი დეპუტატის მშვიდ გადაადგილებას, ასევე სახელმწიფო დაცვის სპეციალური სამსახურის რამდენიმე წევრი უზრუნველყოფდა.

თაიმერი timer.ge
ავტ.: თაიმერი timer.ge ივნისი 19, 2019 19:01

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


7,150
ვიზიტორი
დღეში
Powered By Google Analytics