ცენტრალური საარჩევნო კომისიის თავმჯდომარის თამარ ჟვანიას განცხადებით, ცესკო-ს შემაჯამებელი ოქმი „საქართველოს საკანონმდებლო მანცეს“ გადაეგზავნება.
ამის შესახებ მან დღეს გამართულ ცესკო-ს სხდომაზე განაცხადა, სადაც საპარლამენტო არჩევნების შემაჯამებელი ოქმი გამოაქვეყნეს.
როგორც ჟვანიამ აღნიშნა, პარლამენტის პირველი სხდომის ვადის შესახებ გადაწყვეტილება პრეზიდენტმა უნდა მიიღოს.
„პროცედურულად, დღეს ცენტრალური საარჩევნო კომისიის შემაჯამებელი ოქმი „საქართველოს საკანონმდებლო მაცნეს“ გაეგზავნება, რომელიც ოქმს ოფიციალურად გამოაქვეყნებს. რაც შეეხება საქართველოს პარლამენტის პირველ სხდომას, ამ შემთხვევაში, ოფიციალური გამოქვეყნებაც იქნება სახეზე და პირველი სხდომის შესახებ გადაწყვეტილების მიღება პრეზიდენტის პრეროგატივაა.
მაქსიმალური ვადა გახლავთ ის, რაც კანონმდებლობაში – საქართველოს პარლამენტის რეგლამენტის 120-ე მუხლში წერია, რომ მეორე ტურის დასრულებიდან 20 დღის ვადაში, საქართველოს პარლამენტის პირველი სხდომა უნდა ჩატარდეს“, – განაცხადა თამარ ჟვანიამ.