პარლამენტის ვიცე-სპიკერი თამარ ჩუგოშვილი მიიჩნევს, რომ პრეზიდენტის ინაუგურაცია თბილისში უნდა გაიმართოს.
თამარ ჩუგოშვილის განცხადებით, საქართველო ინაუგურაციის ცერემონიით შესაფერისად უნდა წარმოჩინდეს.
„ჯერ მსჯელობა მიმდინარეობს, სად შეიძლება ინაუგურაცია ჩატარდეს. ქვეყანა ღირსეულად უნდა წარმოჩინდეს, რადგან საქართველოს მიმართ საკმაოდ დიდი ყურადღებაა მოპყრობილი და ღონისძიებაზე ბევრი სტუმარი იქნება. ჩემი პირადი პოზიცია და სურვილი იქნებოდა, რომ ინაუგურაცია თბილისში ჩატარდეს”, – განაცხადა ჩუგოშვილმა.
პრეზიდენტის ინაუგურაცია 16 დეკემბერს გაიმართება.
