ევროკავშირის ბიუჯეტმა, სხვადასხვა ფინანსური მახინაციების შედეგად 888 მილიონი ევრო იზარალა – ამის შესახებ საუბარია თაღლითობებთან ბრძოლის ევროპის ბიუროს მოხსენებაში -წერს Reuters-ი.
როგორც აღმოჩნდა, ყველაზე “მუქი” სქემები რუმინეთის, ბულგარეთის და უნგრეთის კომპანიებს ჰქონდათ.
მაგალითად მოყვანილია ბულგარეთისთვის წარმოების რეკონსტრუქციისა და მოდერნიზაციისათვის გამოყოფილი 1,3 მილიონი ევრო. გაირკვა, რომ წარმოების პატრონი და მიმწოდებელი ერთიდაიგივე პირია, რომელმაც საკუთარ თავს გაზრდილ ფასად მიყიდა ტექნიკა.
მოხსენებაში თაღლითობის სხვა მაგალითებიც არის მოყვანილი – Reuters-ი წერს.