ჩეჩნეთის რესპუბლიკაში ადამიანის უფლებების საბჭოს ხელმძღვანელმა ხედა სარატოვამ განაცხადა, რომ მას ასობით ქალი დაუკავშირდა, რომლებიც “ისლამური სახელმწიფოს” მიერ კონტროლირებად ტერიტორიებზე ცხოვრობენ და ახლა რუსეთში სურთ დაბრუნება – ამის შესახებ რუსული “კომერსანტი” წერს.
უფლებადამცველის თქმით, ქალები სირიის ტერიტორიაზე ცხოვრობდნენ, როგორც ბოევიკების ცოლები. სარატოვას თქმით, საუბარია, დაახლოებით 7 ათას ქვრივზე, მათ შორის, ჩრდილოეთ კავკასიიდან დაახლოებით 3,5 ათასი ქალია, მათგან თითოს 4-5 შვილი ყავს.
უფლებადამცველის თქმით, ტერორისტების ქვრივები მზად არიან სასჯელი მოიხადონ დასაბრუნებლად. ქალები ახლა დოკუმენტების გარეშე ცხოვრობენ და მათ დასჯის ეშინიათ – ნათქვამია “კომერსანტის” მიერ გავრცელებულ ინფორმაციაში.
ძალოვანებსა და უფლებადამცველებს შორის ტერორისტების ცოლების დაბრუნების საკითხზე დავა გრძელდება. ერთ-ერთი მხარე აცხადებს, რომ ტერორისტები ხშირად იყენებენ ქალებს და ბავშვებს თვითმკვლელებად ან მოკავშირეებად, მეორე მხარე კი მათთვის ამნისტიას ითხოვს
