სოფო ხორგუანი მთაწმინდის ოლქში პარლამენტის შუალედურ არჩევნებში კენჭს იყრის

თაიმერი timer.ge
: თაიმერი timer.ge იანვარი 8, 2019 12:39

სოფო ხორგუანი მთაწმინდის ოლქში პარლამენტის შუალედურ არჩევნებში კენჭს იყრის

უფლებადამცველი და სახალხო დამცველის ყოფილი მოადგილე სოფო ხორგუანი მთაწმინდის ოლქში საქართველოს პარლამენტის შუალედურ არჩევნებში კენჭს იყრის. ამის შესახებ ჟურნალისტებს ხორგუანმა დღეს განუცხადა.

მისი თქმით, არჩევნებში მონაწილეობას დამოუკიდებელი კანდიდატის სტატუსით მიიღებს და ჯერ არც ერთ პოლიტიკურ პარტიასთან კონსულტაცია არ ჰქონია.

„28 ოქტომბერს აღმოვაჩინე რეალობა, რომ ისევ იქ ვართ, სადაც ვიყავით 2012 წელს. ადამიანები, რომლებიც მოვიდნენ ხელისუფლებაში, რომელთაც უნდა შეეცვალათ ვითარება ამ ქვეყანაში, ვერ გაართვეს თავი ისე, როგორც ამომრჩეველი ელოდებოდა. ნიჰილიზმის განცდა ძალიან დამთრგუნველია. ვფიქრობ, ჩემი ცოდნითა და გამოცდილებით შევძლებ, ხელისუფლება უფრო მეტად ავამუშაო“, – განაცხადა ხორგუანმა.

მისი თქმით, პოლიტიკოსების უმრავლესობას პასუხისმგებლობა არ აქვს. ხორგუანის შეფასებით, ოპოზიციასაც და ხელისუფლებასაც ყველაფერზე ერთი პასუხი აქვთ.

მთაწმინდის საარჩევნო ოლქში შუალედური არჩევნები 2019 წლის გაზაფხულზე, აპრილში ჩატარდება. შუალედური არჩევნების დანიშვნის მიზეზი პრეზიდენტ სალომე ზურაბიშვილისთვის სადეპუტატო უფლებამოსილების შეწყვეტაა, რომელიც მეცხრე მოწვევის პარლამენტში მთაწმინდის ოლქის დამოუკიდებელი მაჟორიტარი დეპუტატი იყო.

თაიმერი timer.ge
: თაიმერი timer.ge იანვარი 8, 2019 12:39

გამოკითხვა

ზუგდიდის მერობის არჩევნებში რომელი კანდიდატი გაიმარჯვებს?

  • სანდრა რულოვსი (66%, 1 551 ხმა)
  • გიორგი (გეგა) შენგელია (26%, 615 ხმა)
  • ზვიად სიჭინავა (4%, 103 ხმა)
  • თენგო ჯგუშია (3%, 81 ხმა)

ხმები სულ: 2 350

Google სტატისტიკა


13,921
ვიზიტორი
დღეში
Powered By Google Analytics