სირიის პროვინცია დეირ-ეზ-ზორში ისლამური სახელმწიფოს მებრძოლების მიერ გახსნილი ცეცხლის შედეგად დაიღუპა ორი რუსი სამხედრო კონტრაქტორი. ამის შესახებ ინფორმაცია გაავრცელა რუსეთის თავდაცვის სამინისტრომ.
რუსი სამხედროები აცილებდნენ ავტომანქანების კოლონას, როდესაც ისლამური სახელმწიფოს შეიარაღებულმა პირებმა ნაღმსატყორცნიდან ცეცხლი გახსნეს. ერთი სამხედრო ადგილზე დაიღუპა, ხოლო მეორე ჰოსპიტალში გადაიყვანეს მრავლობითი ჭრილობებით. რუსი სამხედროს გადარჩენა ვერ მოხერხდა.