შსს-ს სამეგრელო-ზემო სვანეთის სამხარეო მთავარი სამმართველოს თანამშრომლებმა ბიძინა ესებუა დააკავეს.
ბიძინა ესებუა 21 ოქტომბერს ზუგდიდში „საქართველოს ბანკზე“ შეიარაღებულ თავდასხმაში ბრალდებული ბადრი ესებუას ძმაა.
შსს-ში ბიძინა ესებუას დაკავების ფაქტს ადასტურებენ. ამასთან, უწყებაში არ აკონკრეტებენ, რას უკავშირდება მისი დაკავება. უწყების ცნობით, დეტალებთან დაკავშირებულ ინფორმაციას მოგვიანებით გაავრცელებენ.
