შსს-მ პოლიციელზე თავდასხმის ბრალდებით 1 პირი დააკავა

შინაგან საქმეთა სამინისტროს თბილისის პოლიციის დეპარტამენტის
თანამშრომლებმა ჩატარებული საგამოძიებო მოქმედებების შედეგად 1974 წელს
დაბადებული კ. ქ. პოლიციელზე თავდასხმის ბრალდებით დააკავეს.
დანაშაული 4-დან 7 წლამდე ვადით თავისუფლების აღკვეთას ითვალისწინებს.
გამოძიებით დადგინდა, რომ მიმდინარე წლის 29 ნოემბერს, თბილისის საქალაქო
სასამართლოსთან მიმდინარე პარტია “ერთიანი ნაციონალური მოძრაობის”
მხარდამჭერების მიერ გამართულ საპროტესტო აქციაზე კ. ქ. თავს დაესხა
საპატრულო პოლიციის დეპარტამენტის თანამშრომელს და დროშის ტარით თავის
არეში ფიზიკური დაზიანება მიაყენა.
გამოძიება სსკ-ის 353-ე პრიმა მუხლის 1-ლი ნაწილით მიმდინარეობს.
ამავე დღეს, პოლიციელის მიმართ წინააღმდეგობის და ძალადობის ბრალდებით 4
პირია დაკავებული.

წინა სტატიაში“ომიკრონის” გამო, პანიკა საჭირო არაა, მაგრამ მსოფლიო უნდა მოემზადოს – who
შემდეგი სტატიაბოლო 24 საათში საქართველოში კორონავირუსის საწინააღმდეგო ვაქცინით 11 889 ადამიანი აიცრა