შინაგან საქმეთა სამინისტროს მომსახურების სააგენტომ სერვისების ეტაპობრივი განახლება დაიწყო

თაიმერი timer.ge
ავტ.: თაიმერი timer.ge მაისი 18, 2020 09:24

შინაგან საქმეთა სამინისტროს მომსახურების სააგენტომ სერვისების ეტაპობრივი განახლება დაიწყო

მნიშვნელოვანი

  • შინაგან საქმეთა სამინისტროს მომსახურების სააგენტომ სერვისების ეტაპობრივი განახლება დაიწყო

სხვა სტატიები

შინაგან საქმეთა სამინისტროს მომსახურების სააგენტო მოქალაქეებს ყოველდღიურ
სამუშაო რეჟიმში მოემსახურება და COVID-19-ის პრევენციული ღონისძიებების
გამო შეზღუდული სერვისების მიწოდებას დღეიდან აახლებს.

მოქალაქეთა უსაფრთხოების მიზნით, მომსახურების სააგენტო სრულად
ითვალისწინებს საქართველოს მთავრობის უწყებათშორისი საკოორდინაციო საბჭოს
რეკომენდაციებს. მომსახურების სააგენტო მოქალაქეებს მოუწოდებს, რომ ადგილზე
სერვისების მისაღებად გამოცხადდნენ პირბადით.

აღსანიშნავია, რომ დღეიდან მოქალაქეებს შესაძლებლობა აქვთ, ისარგებლონ
მართვის უფლების მისაღები პრაქტიკული გამოცდით. იმ პირებს, ვისაც
ჩაბარებული აქვთ მართვის უფლების მისაღები თეორიული გამოცდა, საშუალება
ეძლევათ, ისარგებლონ პრაქტიკული გამოცდის ჩაბარების სერვისით.

ამასთანავე, აღდგა ძველი ნიმუშის სანომრე ნიშნების შეცვლის სერვისი.

ამ ეტაპზე, მომსახურების სააგენტოში დროებით არ ხორციელდება:

– სატრანსპორტო საშუალების მართვის უფლების მისაღებ თეორიულ გამოცდაზე
ელექტრონული რიგის დაჯავშნა და თეორიული გამოცდის მიღება;

– ცეცხლსასროლი იარაღის რეგისტრაციასთან დაკავშირებული პროცედურები.

რაც შეეხება ცნობებს პირის ნასამართლობის, პირის მსჯავრდების, სატრანსპორტო
საშუალების სამართლებრივი მდგომარეობის, პირის მიერ სახელმწიფო საზღვრის
გადაკვეთა-გადმოკვეთის და იარაღის სამართლებრივი მდგომარეობის შესახებ, ამ
ეტაპზე განაცხადის მიღება ხდება მხოლოდ ელექტრონული ფორმით, სააგენტოს
ვებგვერდიდან.

სატრანსპორტო საშუალების საბაჟო და სარეგისტრაციო მომსახურება ჩვეულ
რეჟიმში ხორციელდება.

თაიმერი timer.ge
ავტ.: თაიმერი timer.ge მაისი 18, 2020 09:24

Google სტატისტიკა


2,461
ვიზიტორი
დღეში
Powered By Google Analytics