ყაჩაღური თავდასხმა თბილისში – თავს საბურთალოზე მდებარე, მიკროსაფინანსო ორგანიზაცია “გირო კრედიტი” ფილიალს დაესხნენ. თავდაპირველი ინფორმაცით თავდასმხმელებმა მძევალიც აიყვანეს, თუმცა ეს ფაქტი შს სამინისტრომ არ დაადასტურა.
შეიარაღებული პირები “გირო კრედიტის” ოფისში, 11:00 საათზე შეიჭრნენ.მიკროსაფინანსო ორგანიზაციის ფანჯრებს, ნატყვიარი ეტყობა.
ადგილზე სამართალდამცველები არიან მობილიზებული. ასევე მუშაობენ ექსპერტ კრიმინალისტები. თვითმხილველების ინფორმაციით, თავდამსხმელებს ნიღბები ეკეთათ. ამ დროისთვის უცნობია, შეძლეს თუ არა დამნაშავეებმა თანხის წაღება.
“გირო კრედიტი” ერთ-ერთი მსხვილი მიკროსაფინანსო ორგანიზაციაა, ის თბილისში რამდენიმე ფილიალს ფლობს. მიკროსაფინანსო ორგანიზაცია 2010 წლიდან მომხმარებელს სხვადასხვა ტიპის მომსახურებას სთავაზობს.
