დღეს, საქართველოს ლეიბორისტული პარტიის ლიდერმა შალვა ნათელაშვილმა სპეციალური მიმართა გაუგზავნა ამერიკის შეერთებული შტატების გამოძიების ფედერალურ ბიუროს და სხვა შესაბამისს სამსახურებს თხოვნით, გამოიძიონ ამერიკის მოქალაქის ირაკლი რუხაძის საქმიანობა, რომელიც წარმოადგენს 2008 წელს გარდაცვლილი, მილიარდერ ბადრი პატარკაციშვილის დანატოვარი ქონების მენეჯერს და დანაშაულებრივ კავშირშია საქართველოს კრიმინალური მმართველი სინდიკატის ლიდერ, რუს ოლიგარქ-მილიარდერ ბიძინა ივანიშვილთან, რომელთან ერთადაც ირაკლი რუხაძე ახორციელებს ისედაც შეზღუდული თავისუფალი მედიის ტერორსა და ფაქტობრივ ლიკვიდაციას.
აღნიშნული კრიმინალური ალიანსის შედეგად დაიხურა ტელე-კომპანია “იმედი”ს ყველაზე პოპულარული და ობიქეტური თოქ-შოუები, ხოლო ამჯერად, რუხაძე-ივანიშვილის მიერ გრძელდება მეორე ტელე-კომპანიის “მაესტრო”ს ანექსია-მითვისება.
ზემოაღნიშნულით, 2016 წლის საპარლამენტო არჩევნების წინ, საქართველოს სატელევიზიო სივრცის უდიდესი ნაწილი მოექცა ქვეყნის ფაქტობრივი მმართველის ბიძინა ივანიშვილის კონტროლქვეშ. რასაც ქვეყნისთვის დამანგრეველი შედეგები მოჰყვება.
ლეიბორისტული პარტია ამერიკის შეერთებული შტატების შესაბამის უწყებებს სთხოვს დაინტერესდნენ მათი მოქალაქის, ირაკლი რუხაძის დასახელებული და სხვა დანაშაულებრივი საქმიანობით, რათა დროულად იქნას აღკვეთილი საქართველოში დემოკრატიისა და თავისუფლებისათვის მოსალოდნელი უმძიმესი შედეგები”-ნათქვამია მიმართვაში.
