“კალაძე უნდა დაიკითხოს, თუ არ დაიკითხება კალაძე, მალე დაიკითხება შოთაძე” – ასე პასუხობენ “ნაციონალურ მოძრაობაში” მთავარ პროკურორს, რომელიც აცხადებს, რომ დაიკითხება კორცხელის დაპირისპირების ყველა მონაწილე, გარდა კახა კალაძისა.
“ყველასთვის ცხადია, რომ კორცხელზე პასუხისმგებელი პირი იყო კალაძე და დამნაშავე ამ ინციდენტზე და პასუხისმგებელი, არის ხელისუფლება და შესაბამისად კონკრეტული ადამიანები. ეს იცის უკვე მთელმა ქვეყანამ, ეს არის ცხადი ყველასთვის, გარდა შოთაძისა. შესაბამისად, მას უბრალოდ სხვა გამოსავალი არ აქვს. დღეს არ დაკითხავს, ხვალ მოუწევს. თუ არ დაკითხავს დადგება მისი პასუხისმეგბლობის საკითხი”,- განაცხადა სერგო რატიანმა.