საუბარი არ არის იმაზე, რომ პრემიერმა იაროს შეხვედრებზე – აბაშიძე ჟენევის ფორმატის ცვლილებაზე

ქეთი ფერაძე
ავტ.: ქეთი ფერაძე მარტი 12, 2018 17:10

საუბარი არ არის იმაზე, რომ პრემიერმა იაროს შეხვედრებზე – აბაშიძე ჟენევის ფორმატის ცვლილებაზე

რუსეთთან ურთიერთობების საკითხებში საქართველოს პრემიერ-მინისტრის სპეციალური წარმომადგენელი საქართველოს პრემიერ-მინისტრის 9 მარტის განცხადებას გამოეხმაურა და განმარტა, რას შეიძლება გულისხმობდეს, გიორგი კვირიკაშვილის მხრიდან ჟენევის დისკუსიებში ჩართვის მზაობა.
„როგორც ვხედავთ, ჯერ გამოხმაურება არ ყოფილა. როგორ შეიძლება ფორმატი შეიცვალოს. მე როგორც წარმომიდგენია, საუბარი არ არის იმაზე, რომ ეს მოხდეს უცბად, პრემიერმა იაროს შეხვედრებზე პერიოდულად, არამედ მომზადდეს იქ საფუძველი საკითხების გადასაწყვეტად, რისთვისაც რაღაც ეტაპზე შეიძლება მაღალი დონის შეხვედრა ჩატარდეს. მომზადდეს ფონი, მოსამზადებელი სამუშაოები რიგი საკითხების წინ წასაწევად და რაღაც ეტაპზე რანგი აიწიოს. ალბათ ამის თაობაზე არის საუბარი ჩვენს პარტნიორ ქვეყნებთან, თანათავმჯდომარეებთან“, – განაცხადა ზურაბ აბაშიძემ.
შეგახსენებთ, რომ საქართველოს პრემიერ-მინისტრმა 9 მარტს რუსეთის ფედერაციის ხელისუფლებას მიმართა. როგორც გიორგი კვირიკაშვილის მიმართვაშია აღნიშნული, საქართველოს მთავრობა კვლავ ადასტურებს, რომ დაინტერესებულია, მიაღწიონ რეალურ პროგრესს ჟენევის საერთაშორისო დისკუსიებში. პრემიერი აღნიშნავს, რომ მზად არის, ამ პროცესში პირადად ჩაერთოს.

ქეთი ფერაძე
ავტ.: ქეთი ფერაძე მარტი 12, 2018 17:10

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


4,306
ვიზიტორი
დღეში
Powered By Google Analytics