“რასაკვირველია, ეს არის ხელისუფლების ვალდებულება და ამისთვის ყველა ზომა უნდა იყოს მიღებული და მე მწამს, რომ ეს ასეც იქნება. შინაგან საქმეთა სამინისტროს აქვს, რა თქმა უნდა, განსაკუთრებული როლი და ფუნქცია ამ მიმართულებით და რასაკვირველია, ის არის ყველა შემთხვევაში მოწოდების სიმაღლეზე საიმისოდ, რომ ეს უსაფრთხოება უზრუნველყოს.” – “ქართული ოცნების” დეპუტატმა და იურიდიული კომიტეტის თავმჯდომარემ, მიხეილ სარჯველაძემ თბილისში პრაიდის კვირეულის გამართვასთან დაკავშირებით ჟურნალისტებთან ისაუბრა.