საქართველოში კორონავირუსისგან კიდევ ერთი პაციენტი გარდაიცვალა. ამის შესახებ ინფორმაცია ” თაიმერს” საუნივერსიტეტო კლინიკის ხელმძღვანელმა, ლევან რატიანმა დაუდასტურა.
„ეს პაციენტი სეფსისის ცენტრიდან გადმოიყვანეს. სუნთქვის მწვავე უკმარისობა და გულის პრობლემები ჰქონდა. გადმოყვანისთანავე, პაციენტი მართვით სუნთქვაზე იმყოფებოდა, ჩატარებული კვლევით გამოვლინდა ორმხრივი პლევმონია. ასევე დადასტურებული ჰქონდა გულის პრობლემები. ყველა საჭირო ღონისძიება გატარდა, თუმცა, სამწუხაროდ, მისი გადარჩენა ვერ მოხერხდა“, – განმარტა რატიანმა. გარდაცვლილი 66 წლის კაცია და ის ე.წ „ეროვნული ბანკის“ კლასტერიდანაა. კაცი ბანკის საცავში მუშაობდა.
საქართველოში კორონავირუსის შედეგად 14 პაციენტია გარდაცვლილი.