“საქართველოს უკვე მზად არის გახდეს NATO-ს წევრი ქვეყანა, ხოლო უკრაინას სჭირდება ნაბიჯების გადადგმა იმისთვის, რომ ამას მიაღწიოს” – ასე ფიქრობს ევროპაში აშშ-ის სამხედრო ძალების ყოფილი ხელმძღვანელი, გენერალი, ბენ ჰოჯესი.
“მჯერა უკრაინა საბოლოოდ გახდება NATO-ს წევრი. მჯერა ასევე, რომ საქართველო ახლა უნდა გახდეს ალიანსის წევრი ქვეყანა. უკრაინის შემთხვევაში კი, უნდა დავიცადოთ. უკრაინამ უნდა გააძლიეროს მისი ინტეგრაცია NATO-ში” – ამბობს გენერალი.
აქვე, ბენ ჰოჯესი ფიქრობს, რომ ალიანსის წევრმა ქვეყნებმა არ უნდა აღიარონ რუსეთის მიერ ოკუპირებული ყირიმი და დონბასი.
შეგახსენებთ, 2019 წელს გენერალი ამბობდა, რომ NATO-მ საქართველოს მის პირველივე სამიტზე უნდა შესთავაზოს წევრობა, ხოლო მათ ვინც წუხს საქართველოს ტერიტორიების 20%-ის ოკუპაციაზე, ბენ ჰოჯესი ამბობდა, რომ ალიანსში ამის პრეცედენტი არსებობს და ასეთად მან გერმანია დაასახელა.
ცნობისთვის, გენერალი ბენ ჰოჯესი საქართველოში 2017 წელს იმყოფებოდა და ის იმდროინდელ თავდაცვის მინისტრს, ლევან იზორიასაც შეხვდა.
