ზემო ლარსის სასაზღვრო-გამშვებ პუნქტთან რვა კილომეტრიანი საცობია – საინფორმაციო სააგენტო “თაიმერს” ექსკლუზიურად აცნობეს საცობში მყოფმა საქართველოს მოქალაქეებმა, რომლებიც უკვე მეორე დღეა გზის გახსნას ელოდებიან. 40 საათზე მეტი ხანი მანქანაში მყოფი ამბობენ, რომ რუსი მესაზღვრეების თქმით, საქართველოს მხარე არ უშვებს მანქანებს.
“თაიმერი” აღნიშნულთან დაკავშირებით შსს-ს პრესსამსახურს დაუკავშირდა. მათი განმარტებით, ხეობაში დიდთოვლობის გამო ზვავსაშიშროებაა, მიმდინარეობს გზების გაწმენდა. დამატებით ინფორმაციას რამდენიმე წუთში მოგაწვდით.
