საფრანგეთის სამხრეთ-დასავლეთით მოხუცთა თავშესაფარზე თავდასხმა ისლამისტ ტერორისტებთან არ არის კავშირში – მხარის პროკურორმა კრისტოფ ბარემ განაცხადა. “მიმდინარე მომენტში ვერ ვიტყვით, რა იყო თავდასხმის მოტივები, მაგრამ დარწმუნებით შეგვიძლია ვთქვათ, რომ ამას ისლამურ ტერორიზმთან კავშირი არა აქვს” – თქვა ბარემ და დაამატა, რომ პოლიცია ეჭვმიტანილის ძებნას განაგრძობს. მისი პიროვნება დადგენილია.
პროკურატურის მიერ გავრცელებული ინფორმაციით, თავდასხმის შედეგად ერთი ადამიანი გარდაიცვალა. სახლში, რომელზეც თავდასხმა მოხდა, 60 ყოფლი ქრისტიანი მისიონერი ცხოვრობს.