სალომე ზურაბიშვილის განცხადება აშშ-ს სამხედრო ბაზებზე, რუსულმა მედიამ გადაბეჭდა

თაიმერი timer.ge
ავტ.: თაიმერი timer.ge მაისი 1, 2019 19:00

სალომე ზურაბიშვილის განცხადება აშშ-ს სამხედრო ბაზებზე, რუსულმა მედიამ გადაბეჭდა

სალომე ზურაბიშვილის სკანდალურ განცხადებას, სადაც მან აღნიშნა, რომ საქართველოში ამერიკული ბაზების განთავსებას არ მიესალმება, უცხოელი ჟურნალისტების ყურადღების ცენტრში მოექცა. პრეზიდენტის გზავნილს გავლენიანი მედიასაშუალებები აფასებენ.

სალომე ზურაბიშვილის განცხადებას რუსულმა მედიამ განსაკუთრებული ყურადღება დაუთმო. tass.ru წერს, რომ საქართველოს პრეზიდენტმა შეერთებული შტატების სამხედრო ბაზის ქვეყანაში მშენებლობას არამიზანშეწონილი უწოდა.

iz.ru კი წერს, რომ საქართველოს სახელმწიფო მეთაურმა ქვეყანაში ამერიკული ბაზის მშენებლობის იდეა გააკრიტიკა. ავტორს მოჰყავს სალომე ზურაბიშვილის სიტყვები, რომ ქვეყანამ არ უნდა გადადგას ისეთი ნაბიჯები, რომელიც პროვოკაციად შეფასდება.

gazeta.ru-საც მოჰყავს საქართველოს პრეზიდენტის განცხადება, რომ ამერიკულმა ბაზამ შესაძლოა, რუსეთის და ზოგიერთი ტერორისტული ორგანიზაციის ყურადღება მიიპყროს.

tvzvezda.ru სალომე ზურაბიშვილის სიტყვებს იშველიებს და წერს, რომ ქვეყანამ არ უნდა გადადგეს ისეთი ნაბიჯი, რომელიც შესაძლოა, პროვოკაციად შეფასდეს.

mk.ru საქართველოს პრეზიდენტის განცხადებას ინტერპრეტირებას უკეთებს და აღნიშნავს, რომ ის ნატოს ბაზის მშენებლობას არამიზნობრივად მიიჩნევს და ხაზს უსვამს, რომ ეს ყველაფერი შესაძლოა, შეფასდეს, როგორც პროვოკაცია რუსეთისთვის.

თაიმერი timer.ge
ავტ.: თაიმერი timer.ge მაისი 1, 2019 19:00

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


26,236
ვიზიტორი
დღეში
Powered By Google Analytics