უკრაინის პრეზიდენტის, ვოლოდიმირ ზელენსკის განცხადებით, უკრაინაში, სახლში დაბრუნდა 371 ბავშვი, რომლებიც ომის პერიოდში რუსეთის მიერ იყვნენ დეპორტირებული. ზელენსკი მადლობას უხდის ყველას, ვინც ქვეყანას ამ გზაზე ეხმარება.
“ჩვენ გვსურს ბავშვები უკრაინაში რაც შეიძლება მალე დავაბრუნოთ, სანამ ისინი ჯერ კიდევ ბავშვები არიან. ეს არის ყველაზე მთავარი!
ბავშვთა დაცვის ცენტრის გახსნისას, რომელიც დაუპირისპირდება რუსეთის დანაშაულებებს უკრაინელი ბავშვების მიმართ, გავეცანი Bring Kids Back UA-ს სამოქმედო გეგმას. უკრაინის მთავრობა, უცხოური მთავრობები და საერთაშორისო ორგანიზაციები აერთიანებენ ძალებს უკრაინის ყველა ახალგაზრდა მოქალაქის სამშობლოში დასაბრუნებლად.
პირველი ნაბიჯი გადაიდგა და 371 ბავშვი უკრაინაში სახლში დაბრუნდა”, – ამბობს ზელენსკი.
