უკრაინის დაზვერვის ინფორმაციით, რუსი ოკუპანტები დონეცკის ოლქში მშვიდობიანი მოსახლეობის წინააღმდეგ პროვოკაციის მოწყობას გეგმავენ, რა დროსაც ქიმიურ იარაღს გამოიყენებენ. ამის შესახებ „უნიანი“ იუწყება.
„ოკუპანტები „ბოევიკებსა“ და სამხედროებს აირწინაღებს ურიგებენ. არსებობს პროვოკაციის საშიშროება, შესაძლებელია ქიმიური საცავების აფეთქება“ – იუწყება უკრაინის უშიშროების სამსახური. დივერსიაში ოკუპანტები უკრაინული მხარის დადანაშაულებას აპირებენ.
უკრაინის უშიშროების სამსახურის ინფორმაციით, რუსი ოკუპანტებისგან განსხვავებით უკრაინული მხარე ასეთ მეთოდებს არ იყენებს. კიევი დროებით ოკუპირებულ ტერიტორიებზე მცხოვრებ ადამიანებს სიფრთხილისკენ მოუწოდებს.