ბელარუსის არაღიარებულმა პრეზიდენტმა ალექსანდრე ლუკაშენკომ განაცხადა, რომ რუსეთი ბელარუსს რაკეტების წარმოებაში დაეხმარება. ინფორმაციას უკრაინული მედია ბელტაზე დაყრდნობით ავრცელებს.
ლუკაშენკოს თქმით, შესაბამისი შეთანხმება ორ ქვეყანას შორის მიღწეულია.
„პრეზიდენტმა ვლადიმერ პუტინმა დიმიტრი როგოზინს დაავალა დაუყოვნებლივ უზრუნველყოს ჩვენი მხარდაჭერა. საუბარი არ არის ახალი ველოსიპედის შექმნაზე, გამოვიყენებთ რუსეთის ფედერაციის დეველოპერებს, რაკეტოლოგების გამოცდილებას, რომლებმაც შექმნეს ისკანდერი. ისინი ახალგაზრდა ბიჭები არიან“, – აცხადებს ლუკაშენკო.
